Bizhga po ashtu nuk ka justifikuar dhe disa paga të marra gjatë viteve ’93 dhe 2002. Në lidhje me pastërtinë e figurës, drejtuesi i lartë ka dalë i pastër, ndërkohë që tashmë ai është dhe nën drejtimin e Operacionit Forca e Ligjit, që po ndërmerret ndaj personave që kanë vënë pasuri mbi aktivitet kriminal.
Është konfirmuar në detyrë drejtori i Forcave Lëvizëse Operacionale në Policinë e Shtetit Sokol Bizhga. Ky ka qenë vendimi i dhënë sot nga ana e Komisionit të Jashtëm të Vlerësimt, që kryen Vetingun në radhët e punonjësve të policisë së shtetit. Por pavarësisht vendimit pozitiv që është dhënë sot Komisioni i vlerësimit konstatoi se Bizhga ka probleme në deklarimin e dy apartamenteve në pronësi të tij.
Sipas komisionit për një apartament në Tiranë të blerë nga kursimet e Bizhgës gjatë emigrimit në Itali, të dhënat nuk janë deklaruar në mënyrë korrekte. Po ashtu mospërputhje ka dhe për një apartament në Vlorë, ku vlera e shitjes rezulton 2 milionë lekë ndërsa në deklaratën noteriale 1.5 mln lekë.Për këtë Bizhga tha se shitja ishte kryer nga miqtë e tij pasi nuk mund të paraqitej personalisht në Vlorë pas plagosjes gjatë ushtrimit të detyrës.
