Një qytetar ka ngritur shqetësimin për cilësinë e jufkave që ka blerë, pasi produkti ka ndryshuar ngjyrë brenda pak orësh nga momenti i gatimit.
Përmes një denoncimi, qytetari tregon se jufkat i ka gatuar mbrëmjen e kaluar dhe i ka përgatitur me gjalpë. Por, të nesërmen, kur i ka parë sërish, ka vënë re se ato kishin marrë një ngjyrë të kuqërremtë, ndryshe nga pamja që kishin pas gatimit.
“Bleva këto jufkat, i gatova mbrëmë. Sot shiko si e kanë marrë ngjyrën e kuqe. Me gjalpë i bëra”, shprehet qytetari në raportimin e tij.
Ai shfaq shqetësimin për ndryshimin e ngjyrës së produktit, duke ngritur pikëpyetje mbi cilësinë e jufkave që ka konsumuar.
Deri më tani, nuk ka një informacion të konfirmuar se çfarë mund të ketë shkaktuar ndryshimin e ngjyrës. Denoncimi ngre pikëpyetje mbi produktin dhe kushtet e ruajtjes së tij, ndërsa për të përcaktuar arsyen e ndryshimit të ngjyrës nevojitet një verifikim i mëtejshëm.
