Këngëtari kanadez, Justin Biber ka njoftuar se do të heqë dorë nga përdorimi i telefonit. Gulftoday shkruan se Biber gjatë një interviste për ‘Billboard’, ka thënë se si komunikim me njerëzit përdor vetëm një iPad. Në lidhje me telefonin, Biber ka thënë se mos përdorimi i tij e ka mësuar për shumë gjëra, si dhe e ka ndihmuar me veten.
“Unë përfundimisht kam mësuar se si të kem kufij, dhe thjesht nuk ndihem sikur i detyrohem askujt asgjë. Kjo më ka ndihmuar të jem në gjendje të them vetëm jo dhe thjesht të jem i vendosur në të dhe të di se zemra ime dëshiron të ndihmojë njerëzit, por unë nuk mund të bëj gjithçka. Dua ndonjëherë, por thjesht nuk është e qëndrueshme,” tha Biber.
Biber nuk është ‘celebrity’ i parë që ka hequr dorë nga përdorimi i telefonit. Shumë të famshëm të tjerë më parë kanë deklaruar se nuk përdorin telefon apo dhe benefitet e tij siç, janë interneti, rrjetet sociale. Disa nga ‘celebrities’ që nuk përdorin rrjetet sociale apo telefon janë Brad Pitt, George Clooney, Winona Ryder dhe Sarah Jessica Parker.