Për më shumë se një vit, e gjithë vëmendja e sistemit shëndetësor është e përqëndruar tek pandemia e koronavirusit, duke lënë në ‘hije’ problematikat e tjera. “Fax Neës” ka shkuar ditën e sotme pranë qendrës së konsultave në QSUT, ku ka folur nga afër me pacientë, të cilët kanë marrë shërbime në spital.
Qytetarët janë shprehur se kanë pritur nga 4-5 orë në radhë dhe kanë pasur edhe shtyrje të orarit. Ata shprehen se janë detyruar që të presin në radhë në QSUT pasi në spitalet rajonale nuk u ofrohen të njëtat shërbime, duke folur edhe për mungesë ilaçesh.
PJESË NGA INTERVISTAT:
Keni shumë që prisni në radhë?
Pacienti 1: Kemi goxha. Që në mëngjes këtu. Kam bërë analizat dhe po pres përgjigjet. E kanë shtyrë orarin nga ora 1 që më thanë. Më thanë eja më vonë.
I keni thënë gjë?
Pacienti 1: Jo, sepse nuk dua ti nevrikos. Jemi në duart e tyre.
Iu është dashur të prisni shumë në radhë?
Pacienti 2: Po presim që në mëngjes këtu. Ka pasur radhë që nga ora 9 e gjysëm e mëngjesit.
Pse iua kanë vonuar aq shumë?
Pacienti 2: Na kanë vonuar, sepse nuk ka pasur ilaçe. Nuk ka ilaçe. Vij nga Shkodra për të marrë mjekimin. Ka pasur raste që jam kthyer pasi nuk ka pasur ilaçe. Nuk e di pse nuk ka pasur.
Pse nuk shkoni te spitalet rajonale?
Pacienti 2: Pse, për çfarë? I kemi këtu. Këta mjekime merren vetëm këtu. Asgjë nuk marrim dot atje. Nuk është ilaç që përdoret në spitale rajonale. Është vetëm këtu.
