Fenomeni i shpopullimit po përhapet me hapa të frikshëm në vendin tonë. Këtij fenomeni i është bashkuar edhe Peqini ku kanë mbetur vetëm të moshuarit.
Ata thonë se janë kushtet e vështira ekonomike dhe mungesa e një pune shkaqet që kanë detyruar rininë të largohet. Rrugët janë të zbrazura, ndërsa ata që dominojnë janë të moshuarit.
“Ne jemi nga fshati, mbi 50 vjeç i kemi të gjithë, të rinjtë ikin të gjithë jashtë. Djalin e kam në Greqi, është bërë aq e vështirë sa s’ke ça të bësh!”, tha një nga banorët.
