Feruzan Shehu, autori i kanosjes së biznesmenit të ndërtimit Gëzim Balla, është vënë në pranga.
Ngjarja ka ndodhur me 19 qershor, ku Shehu e kishte kërcënuar biznesmenin për një shumë prej 10 mijë eurosh.
“Me datë 19.06.2020, shtetasi G.B, (biznesmen), është paraqitur në ambientet e Komisariatit të Policisë Bulqizë dhe ka bërë kallzim, i cili ka deklaruar që është telefonuar dhe kërcënuar për vënie gjobë nga një shtetas. Falë reagimit në kohë dhe veprimeve profesionale, Policia identifikoi shtetasin F.Sh., i cili kishte telefonuar dhe kërcënuar shtetasin G.B.”, njoftoi policia.
“Në vijim të veprimeve për kapjen e autorit, policia ka shoqëruar biznesmenin në vendin ku i kishte kërkuar autori që të paraqitej. Shtetasi F.Sh, i cili ishte fshehur rreth 500 metra në shpatin e malit, ka qëlluar në ajër dhe është larguar me shpejtësi. Shërbimet e policisë kanë rrethuar zonën dhe vijon krehja për kapjen e autorit”, shtuan të njëjtat burime.
/GazetaAtdheu.com/