Sot ishte dita e betimit e tetë anëtarëve të Kolegjit Zgjedhor. Ato u përzgjodhën para dy ditësh.
Ceremonia u zhvillua gjatë orëve të mëngjesit në ambientet e Këshillit të Lartë Gjyqësor.
E pranishme në ceremoni ishte dhe Naureda Llagami, kryetarja e KLGJ-së. Ajo për proçesin u shpreh; Të zgjedhur nga një trup gjyqtarësh të cilët kanë kaluar procesin e rivlerësimit kalimtar, jo vetëm aftësia e tyre profesionale, figura, pasuria, integriteti besueshmëria janë në lartësinë e detyrës për të përmbushur pritshmëritë e palëve politike por dhe publikut për procesin zgjedhor, për të garantuar proces të lirë, të barabartë e të ndershëm.
Për tetë anëtarët e sapozgjedhur, ajo kishte një porosi: Sfidat nuk do ju mungojnë, por mbani parasysh misionin si gjyqtar që kontribuoni në sundimin e ligjit dhe shtetit demokratik.
8 anëtarët e Kolegjit Zgjedhor janë:
1. Sokol Ibi
2. Manjola Xhaxho
3. Edlira Petri
4. Emona Muci
5. Asim Vokshi
6. Gentian Medja
7. Esmeralda ceka
8. Alma Kolgjoka
Detyra kryesore e tetë gjyqtarëve do jetë të shqyrtojnë mosmarrëveshjet që mund të lindin mes palëve pas zgjedhjeve të 25 prillit të vitit 2021.