Producenti i filmave Harvey Weinstein është akuzuar për sulm seksual nga katër femra të tjera, pak muaj pasi atij iu shqiptua dënimi me 23 vjet burg.
Dokumentet gjyqësore të paraqitura në New York të enjten pretendojnë disa vepra penale seksuale që datojnë nga viti 1984 deri në vitin 2013.
Një nga katër femrat anonime ishte 17 vjeçare në kohën e një sulmi të dyshuar seksual, shkruan BBC.
Përfaqësuesi ligjor i Weinstein i tha BBC News: “Z. Weinstein synon të mbrojë kundër pretendimeve të paraqitura në mënyrë anonime kundër tij dje”.
Avokati, Imran H Ansari i Aidala, Bertuna & Kamins PC, shtoi: “Disa prej këtyre pretendimeve, përfshirë ato që pretendohet të kenë ndodhur në vitet 1980 dhe 1990, mund të ndalohen nga statuti i zbatueshëm i kufizimeve, dhe nuk i nënshtrohet asnjë përjashtimi sipas ligjit, pasi këta paditës nuk duket se janë ankues në çështjen penale të Z. Weinstein”.
Rastet e fundit ligjore pretendojnë për shumë vepra seksuale ndaj katër femrave, të cilat aktualisht banojnë në Tenesi, New York, Ekuador dhe Hungari.
Akuzat kundër Weinstein filluan të shfaqen në tetor të vitit 2017, kur The New York Times raportoi për herë të parë incidentet që datojnë prej dekadash.
Të paktën 80 femra kanë akuzuar atë për sulme dhe ngacmime seksuale, përfshirë aktoret: Gwyneth Paltrow, Uma Thurman dhe Salma Hayek.
Weinstein kërkoi falje publike duke pranuar se ai kishte “shkaktuar shumë dhimbje”, por mohoi çdo pretendim të seksit jo konsensual.
