Disa të shtëna me armë zjarri janë dëgjuar para pak minutash në lagjen ‘Pavarësia’ në Vlorë, në afërsi të një marketi. Sipas raportimeve një person është dërguar në spital me plagë dhe shenja jete.
Burime nga Spitali i Vlorës bëjnë me dije se shënjestra ka qenë Diego Hanaj. 36-vjeçari ka marr një plumb në dorë, jashtë rrezikut për jetën.
Policia ende nuk ka zbardhur ngjarjet teksa dyshimet të çojnë se kemi të bëjmë sërish me një atentat. Mbrëmjen e kaluar tre persona u plagosën dhe një mbeti i vrarë në Don Bosko pas një breshëri plumbash drejt tavolinës së një lokali.
