KESH vazhdon të shesë energji pa kriter dhe pasi e zhyt vendin në krizë blen energji më shtrenjtë se bursa. Ditën e premte KESH ka shitur 67200 Mwh me një çmim 66€/Mwh. Ndërsa në bursë çmimi minimal për shitjen e energjisë ishte në vlerat87.7 Euro/Mwh, si pasojë KESH ka humbur 1.3 milionë euro.
Këtë fakt e ka bërë të ditur inxhinieri Azmer Duleviç përmes një postimi në Facebook. Ku shkruan se ky veprim tregon paaftësinë e drejtuesve të KESH-it
“KESH sapo ka shitur 67200 Mwh me një çmim rreth 66€/Mwh jashte Bursës Alpex ku ka arkëtuar rreth 4.5 mln Euro.
Ndërkohë çmimi më i ulët në Bursën Alpex për datën 19 Maj është 87.7 Euro/Mwh. Nëse Kesh do shiste në bursën Alpex do Arkëtonte rreth 5.8 mln Euro thënë më thjeshtë ka humbur 1.3 mln euro!
Sot drejtori i Bursës Alpex dhe Drejtori i Kesh duhet të japin menjëherë dorëheqjen si të paaftë dhe organet ligjzbatuese duhet të veprojnë për dëmin financiar që kanë shkaktuar
Ps .Për reference keni dhe çmimet e energjisë për datën 19 Maj në bursën Austriake dhe atë Hungareze”, shkruan ai.
Por, KESH nuk do t’ia dijë fare vazhdon me abuzimet dhe vjedhjet në kurriz të qytetarëve.
