Me rënien e kurbës së koronavirusit në Shqipëri, qeveria ka filluar masat për rihapjen e vendit. Në kuadër të këtyre masave përfshihet edhe riatdhesimi i shqiptarëve të mbetur jashtë kufirit si pasojë e mbylljes së kufirit nga pandemia globale.
Ditët e fundit ka patur disa avion që kanë zbritur në Rinas me shqiptarë nga vende të ndryshme kryesisht nga Italia.
Ndërkohë edhe sot 128 shqiptarë nga Gjermania kanë mbërritur në aeroportin e Rinasit dhe pritet të vendosen në karantinë sipas rregullave të reja.
Për herë të parë për ta do të aplikohen rregullat e reja të vendosura nga qeveria për karantinim, ku personat te cilët kanë vendbanim tek zonat e gjelbra do të karantinohen në hotelet e certifikuara ndërsa ato me vendbanim në zonat e kuqe do të vetëkarantinohen në shtëpi.
