Ngjarja e rëndë e ndodhur mëngjesin e sotëm në zonën e Alliasit në Tiranë, ku humbi jetën 36-vjeçari i identifikuar si Geri, po kthehet në një nga enigmat më të errëta të ditëve të fundit. Ndërsa njoftimet paraprake e shpejtuan vendimin duke e arkivuar paraprakisht si një vetëvrasje nga kati i pestë, mesazhet e mbërritura stuhishëm në redaksinë e JOQ Albania dhe dëshmitë nga vendngjarja po e zbërthejnë me forcë këtë pistë zyrtare.
I gjithë narrativi zyrtar ka filluar të tronditet që në minutat e para për shkak të mospërputhjeve skandaloze me orarin e ngjarjes. Raportimet e para mediatike flisnin për një ngjarje të ndodhur rreth orës 06:30 të mëngjesit, ndërkohë që njoftimi i vetë Policisë së Shtetit u shpërnda vetëm rreth orës 07:30. Kjo vonesë prej një ore pa asnjë shpjegim lë hapësirë të madhe për dyshime mbi atë që ka ndodhur realisht në ato minuta kritike dhe nëse skena e ngjarjes është ruajtur me dështim apo me qëllim.
Dyshimet thellohen akoma më tej tek prapaskena e konfliktit familjar. Mesazhet e mbërritura nga qytetarët në JOQ zbulojnë se në atë ndërtesë jetonte bashkëshortja e të ndjerit bashkë me fëmijën, ndërsa vetë 36-vjeçari nuk kishte aty vendbanimin e tij. Dëshmitarët okularë konfirmojnë se përpara se i riu të përfundonte i pajetë në trotuar, brenda mureve të banesës ka shpërthyer një përleshje e ashpër mes tij dhe vjehrrit.
Alarmante janë raportimet e dëshmitarëve për gjurmë të dukshme gjaku dhe praninë e një thike brenda në banesë. Banesa është rrethuar nga forcat e policisë, por pyetja kryesore që djeg mbetet: a ishte rënia nga kati i pestë një akt i lirë i viktimës, apo pasojë e drejtpërdrejtë e një përleshjeje të dhunshme fizike me armë të ftohtë?
Prania e gjakut dhe e thikës para rënies, pretendimet e familjarëve dhe mospërputhjet e papranueshme në orare e bëjnë thuajse të pamundur pranimin e idesë së një vetëflijimi të thjeshtë. Çfarë u përpoq të mbulojë ajo dhomë e rrethuar nga policia dhe deri ku do të shkojë hetimi për të zbardhur të vërtetën e plotë mbi vdekjen e 36-vjeçarit në Allias?
