SPAK ka nisur hetimet për tre inceneratorët, të Tiranës, Fierit e Elbasanit.
Hetimet kanë nisur nga prokurori Dritan Prençi.
Dyshimet janë për shkelje të barazisë në tenderat e zhvilluar.
Me marrjen e të dhënave në QKB, si dhe nga raporti i KLSH, pritet që të marrë formë edhe hetimi.
Në fillim të shtatorit, SPAK pritet të marrë në pyetje personat e përfshirë në këtë aferë.
Më herët, Nisma Thurje ka bërë një kàllëzim për inceneratorin e Fierit, por nga sa mësohet, SPAK do e shtrijë hetimin edhe për ato të Tiranës e Elbasanit.
Kujtojmë që tre inceneratorët në Tiranë, Elbasan dhe Fier kanë një vlerë 170 milion euro dhe kjo pritet të jetë një nga çështjet e nxehta që mund të përfshijë persona të njohur edhe nga politika.
Klodian Zoto është përzgjedhur fitues në të gjitha bashkitë, me kompaninë e tij “Integrated Technology Services”.
Ai ka përfituar miliarda euro nga buxheti publik i shqiptarëve.
/Gazetaatdheu.com/