Këshilli i Lartë i Prokurorisë ka dhënë një lajm të trishtë, teksa ka shprehur ngushëllimet për ndarjen nga jeta të prokurores së Elbasanit, Erida Kokonozi, 39-vjeç. Mësohet se kjo e fundit vuante nga një sëmundje e rëndë, teksa sipas KLP ishte një nga magjistratet më të spikatura.
NJOFTIMI I KLPS-së:
Këshilli i Lartë i Prokurorisë shpreh ngushëllimet e sinqerta për ndarjen e parakohshme nga jeta, në moshën 39 vjeçare, pas një sëmundje të gjatë, të prokurores Erida Kokonozi, e cila e ushtronte detyrën në Prokurorinë pranë Shkallës së Parë Elbasan.
Zonja Kokonozi ka qenë një nga magjistratët e spikatur të sistemit të prokurorisë, e cila e ka nderuar figurën e prokurorit, duke treguar një shkallë të larte integriteti dhe profesionalizmi në ushtrimin e detyrës.
Komuniteti i prokurorëve do ta kujtojë znj. Kokonozi përherë me nderim, për kontributin e saj të çmuar në fushën e drejtësisë.
U shprehim ngushëllimet tona familjareve dhe të afërmve, për ndarjen e saj nga jeta.
