Një 23-vjeçar shqiptar është arrestuar në Itali pasi akuzohet se ishte përgjegjës i një grupi narkotrafiku në zonën e liqenit në Peschiera.
23-vjeçari ishte në vëzhgim nga policia italiane pasi u ‘surprizua’ në momentin që po i jepte dozën me kokainë një blerësi në qytetin Lower Garda.
Të kapur në momentin e shkëmbimit, të dy u arrestuan menjëherë, ndërkohë që në makinën e të riut shqiptar u gjetën 35 doza të tjera kokainë, përveç 40 eurove cash të grumbulluara për drogën e sapo shitur.
Gjatë kontrollit të policisë në shtëpi i’u gjet një sasi e konsiderueshme kokainë me peshë totale 380 gram dhe të fshehura në kasafortë gati 50 mijë euro kartëmonedha të prerjeve të ndryshme.
Pasi të shitej, e gjithë droga e sekuestruar do të kishte një vlerë tregu mbi 34 mijë euro.