Nazif Ajroski, shoferi i kamionit në të cilën u sekuestruan 324 kilogramë kokainë në Portin e Durrësit të premten e kaluar, ka dal ditën e sotme përpara Gjykatës së Durrësit për tu njohur me masën e sigurisë.
Mosparaqitja e përkthyeses ka bërë që vendimi ndaj 40-vjeçarit të shtyhet për një moment të dytë, të pacaktuar ende saktësisht si datë.
Kujtojmë se kokaina e ndarë në pako të vogla me logo “Dior”, “Chicago Bulls” dhe logon e ekipit të futbollit të PSG-së ka qenë e fshehur në sarbatorin e kamionit të drejtuar prej Ajroski.
Në bazë të dyshimeve të krijuara nga skaneri autoritetet e futën kamionin për kontroll të detajuar në vijën e dytë, ku u konsistua edhe lënda narkotike.
Mësohet se kamioni i nisur nga Maqedonia e Veriut ka hyrë nga pika kufitare e Qafë Thanës dhe nesër do nisej për në Itali, ku destinacionin e kishte në Napoli.
Policia dhe grupi hetimor po vijon punë për identifikimin dhe kapjen e anëtarëve të tjerë të grupit kriminal.
Burime thanë dje se në Qafë Thanë mjeti ka kaluar në skaner ku ka rezultuar i pastër, dhe dyshimet janë se kokaina është ngarkuar në territorin shqiptar.