Janë rregjistuar edhe 2 raste të reja pozitive me Covid-19 në qytetin e Beratit. Rastet mësohen të kenë qenë kontakt i rasteve të mëparshme por që nuk dihen ende se ku janë infektuar.
Një nga rastet e konfirmuara me Covid-19 është një grua 46-vjeçe, punonjëse në fasonerinë “Center Albania” në Berat.
46-vjeçarja e cila rezultoi pozitive me Covid-19, është nga qyteti i Kuçovës dhe infektimi i saj ka vënë në alarm të gjithë punonjësit e fasonerisë, ku kontaktet e afërta të gruas janë karantinuar dhe janë në pritje të kryerjes së tamponëve.
Mjekët epidemiologë në Berat bëjnë me dije se, po hetojnë personat e kontaktit të dy rasteve të reja,të konfirmuara “pozitivë” në Berat e Kuçovë, ndërkohë që konfirmojnë gjithashtu se ka mungesë të theksuar tamponesh.
/Gazetaatdheu.com/
