Konfirmohet përdhunimi i 89-veçares në Divjakë nga nipi i saj. Burimet zyrtare bëjnë me dije se nga ekspertiza e kryer ka rezultuar se 89-vjeçarja është përdhunuar nga nipi i saj 36-vjeç, Saimir Meçani.
Njoftimi i policisë:
Specialistët për Hetimin e Krimeve në Komisariatin e Policisë Divjakë, arrestuan në flagrancë shtetasin S. M., 36 vjeç, banues në Lushnjë, pasi dyshohet se në fshatin Grabian, Divjakë, në banesën e gjyshes së tij, shtetases H. K., 89 vjeçe, ka dhunuar dhe kryer marrëdhënie seksuale me dhunë me këtë shtetase.
Materialet i kaluan Prokurorisë pranë Gjykatës së Shkallës së Parë Lushnjë për veprat penale “Dhunë në familje” dhe “Marrëdhënie seksuale ose homoseksuale me persona të pazotë për tu mbrojtur”.
