Gjatë ditës së sotme është shënuar një plagosje në Lezhë, bëhet me dije se një grua me origjinë afgane ka plagosur me thikë bashkëjetuesin e saj. Konkretisht ngjarja ka ndodhur në Shëngjin, teksa personat në fjalë ishin strehuar aty për shkak të Talibanëve dhe trazirave në vendin e tyre.
Lezhë/Informacion paraprak
Më datë 23.10.2021, në Shëngjin Lezhë, në ambientet ku janë akomoduar shtetasit afganë, si pasojë e një konflikti të çastit, shtetasja afgane Z.K., 26 vjeçe ka plagosur dyshojet me mjet prerës bashkëjetuesin e saj shtetasin M.K., 33 vjeç, i cili është transportuar në spitalin Rajonal Lezhë, jashtë rrezikut për jetën.
Grupi hetimor ndodhet në vendngjarje dhe nën drejtimin e Prokurorisë së Rrethit Gjyqësor Lezhë, po punon për sqarimin e plotë të shkakut dhe rrethanave të ngjarjes.