Detaje të tjera janë bërë me dije nga ngjarja e rëndë që tronditi Klosin ditën e sotme.
Burime për mediat shkruajnë se burimi i konfliktit të vrasjes së 17-vjeçarit ishin konfliktet e vazhdueshme mes dy fiseve Mjeshtri dhe Hasula.
17-vjeçari i cili ka mbetur viktimë ditën e sotme është identifikuar si Danjel Hasula. Autori i dyshuar i vrasjes është një prej anëtarëve të fisit “Mjeshtri”.
Ngjarja ndodhi në një lokal në qendër të qytetit ku drejt viktimës u qëllua me armë zjarri. Mësohet se një ndër të plagosurit është edhe i ati i 17-vjeçarit të vrarë, i cili ndodhet në gjendje të rëndë.