Rreth 380 afganë që punuan për qeverinë e Koresë së Jugut po transportohen nga Kabuli me tre aeroplanë ushtarakë dhe do të mbërrijnë në aeroportin kryesor pranë Seulit në 24 orët e ardhshme.
Ministria e Jashtme tha se ata nuk do të hynin në vend si refugjatë. Në vend të kësaj, ata do të përcaktohen si “njerëz me merita të veçanta”.
Të evakuuarit përfshijnë familjet e punëtorëve – rreth 100 prej tyre janë fëmijë. Ata do të kalojnë procesin e karantinës sapo të arrijnë në Aeroportin Incheon dhe do të zhvendosen në banesa në pronësi të qeverisë në jug të Seulit.
Të evakuuarit janë profesionistë të mjekësisë, trajnerë profesionistë, ekspertë të IT dhe përkthyes që punuan në ambasadën e Koresë së Jugut dhe në projekte të ndryshme humanitare në Afganistan.
Koreja e Jugut rrallë pranon refugjatë, përveç nëse ata janë nga Koreja e Veriut. Kjo ka çuar në disa shqetësime nga banorët në rajon ku evakuuarve do t’u jepet një shtëpi e përkohshme.
Por qeveria u ka kërkuar njerëzve vendas që të “tregojnë një zemër të ngrohtë” për ata që ndihmuan Korenë e Jugut në Afganistan.
