Në vendin tonë në 24 orët e fundit u regjistruan 78 raste të reja me Covid-19. Pasi janë konfirmuar 4 raste të reja në Gjirokastër, bëhet me dije se janë infektuar edhe 3 nga punonjësit e Bashkisë Gjirokastër.
Një ish-zyrtar i pushtetit vendor i cili para disa ditësh kishte shkuar në zyrat e bashkisë ka rezultuar pozitiv me koronavirus.
Janë marrë 20 tamponë për punonjës të Bashkisë, të cilët u dyshuan si kontakte të personave të infektuar, ku 3 prej tyre rezultuan pozitivë.
Personat e infektuar janë karantinuar në banesat e tyre, ku do të qëndrojnë për 14 ditë.
Punonjësit nuk janë shtruar në spital pasi gjendja e tyre shëndetësore rezulton mirë./Gazetaatdheu.com/