Pjesëtarë të lëvizjes nacionaliste serbe Leviathan ishin nisur drejt Kosovës por autoritetet e Kosovës i kanë kthyer pas, pasi nuk kishin test PCR për Covid-19.
Pavle Bihali nga lëvizja Leviathan e dha lajmin përmes një njoftimi në rrjetet sociale.
“Veriu i Kosovës mund të kalohet vetëm në këmbë. Gjithçka është ende e bllokuar. Dhe një paralajmërim: kërkohen teste të PCR. Pra pa asnjë shans që ju t’i afroheni asaj,” tha Bihali në një video.
Bihali është udhëheqësi i lëvizjes Leviathan, e cila, nën maskën e luftimit për të drejtat e kafshëve, ndjek qëllime ekstremiste dhe nacionaliste që synojnë krijimin e të ashtuquajturit “Bota serbe”.
