Edhe një tjetër “bluzë e bardhë” ka humbur jetën si pasojë e infektimit me COVID-19 në Kosovë.
Spitali i Përgjithshëm në Gjakovë ka njoftuar sot se, ka humbur jetën kirurgu Ali Tolaj, pas infektimit me COVID-19.
Përmes një postimi në faqen zyrtare, Spitali ka bërë me dije se, Tolaj që nga fillimi i pandemisë ishte në krye të detyrës, duke ju shërbyer pacientëve.
Ai punoi deri në ditën kur edhe vete rezultoi pozitiv me Covid-19.
“Është një humbje e madhe për sistemin shëndetësor, humbja e një mjeku që ka shërbyer me përkushtim e profesionalizëm për shume vite.
Menaxhmenti, kolegët, gjithë stafi i Spitalit, ju shprehim ngushëllimet më të sinqerta familjarëve, miqve dhe kolegëve”,- thuhet në njoftim.
Kujtojmë se pak ditë më parë ndërroi jetë nga koronavirusi edhe mjeku Fadil Zuka./Gazetaatdheu.com/
