Në kodin e ri penal të votuar ditën e sotme nga qeveria e Kosovës, “Testimi i virgjërisë”, konsiderohet si vepër penale. Nëse kjo gjë ndodh do të sanksionohet ligjërisht me masë administrative pasi konsiderohet si shkelje e të drejtave të njeriut.
Kërkimi i këtij testi shkel të drejtat themelore të njeriut, me miratimet e reja të qeverisë.
“Po ashtu është paraparë si vepër e re penale Testimi i virgjërisë, kjo vepër e re sanksionohet sepse konsiderohet se ky është test mjekësor i panevojshëm përmes së cilit shkelen të drejtat themelore njeriut”, thotë këshilltari i Ministres Albulena Haxhiu, Flamur Pireva.
“Të drejtat e njeriut i ndalojnë kontrollimet e detyruara të virgjërisë dhe qeveria ka bërë ndryshimet e nevojshme në këtë aspekt”,-shpjegon më tej ai.