Një prej partive politike kryesore të Kosovës, tani është futur edhe në konflikt të brendshëm për postet kryesore të saj. Bëhet fjalë për Lidhjen Demokratike të Kosovës, e cila ka një debat mes kreut të saj Isa Mustafa dhe nënkryetares, numrit dy, Vjollca Osmani, e cila duket se kërkon të bashkohet me partinë e Albin Kurtit.
Kryetari i LDK-së, Isa Mustafa, mësohet se i ka kërkuar drejtuesve të tjerë që të shkarkohet Vjosa Osmani nga posti i nënkryetares së LDK-së.
Në një letër drejtuar Këshillit të Përgjithshëm të partisë, ai ka kërkuar që Avdullah Hoti të marrë pozicionin e Osmanit.
Ai ka thënë se, në seancën e Kuvendit, në të cilën u votua mosbesimi ndaj Qeverisë Kurti, Osmani në kundërshtim me qëndrimin e Kryesisë së LDK-së, bëri apel të mos votohet mocioni.
Sipas tij, ajo vazhdoi publikisht me kundërshtimin e koalicionit aktual, i cili përbën Qeverinë Hoti.
Mustafa thotë se, Osmani iku nga përgjegjësia për ta drejtuar seancën e Kuvendit për zgjedhjen e Qeverisë së drejtuar nga LDK-ja.
Ndërkohë, në Kosovë janë shtuar zërat që flasin dhe aludojnë për një kalim të Osmanit tek Vet-Vendosje, e Kurtit, duke qenë se këta të dy janë politikanë të të njëjtës linjë, pra janë të sponsorizuar në politikë nga lëvizjet e Soros.
Por ajo çka është evidente është tani për tani vetëm fakti se konflikti brenda LDK-së, po thellohet dhe është bërë institucional, e me gjasë do të përfundojë me largimin e Osmanit nga partia e Isa Mustafës./Gazetaatdheu.com/
