Këngëtari Bardhi po sjell një tjetër projekt muzikor. Në një video të shpërndarë në rrjetet sociale, këngëtari nga Kosova e ka filluar me një batutë teksa mban celularin në dorë.
“A e pe more çfarë më tha?”, i drejtohet Bardhi personit që po e filmon, i cili i përgjigjet: “Çfarë?” “Krejt fotot me mua që ke, digji”, thotë këngëtari.
Më pas ai lë celularin dhe fillon një pjesë nga kënga. Nisur nga pjesëza e shkëputur, sërish do të jetë një këngë dashurie e ndarjeje, por jo baladë.
Artisti nuk jep detaje për ditën e publikimit, ndërsa një detaj thuhet në faqen zyrtare të kompanisë që e menaxhon. Pritet që kënga e re të publikohet të shtunën, ndërsa titulli i saj nuk është bërë ende publik.
