Proteza e parë e retinës në formë të lëngshme është krijuar për herë të parë në Itali.
Sipas mediave italiane, kjo është realizuar nga Instituti Italian i Teknologjisë dhe lajmi është bërë publik nga drejtori i Qendrës për Neuroshkencën dhe Teknologjinë në Xhenova Fabio Benfenati. Ai tha se proteza formohet nga një solucion ujor, në të cilin qëndrojnë nanogrimca fotoaktive.
Grimcat zëvendësojnë fotoreceptorët e retinës së dëmtuar nga sëmundjet dhe plakja, që në disa raste mund të çojnë në verbëri të plotë.
“Një retinë artificiale e lëngshme ka potencial të madh për të siguruar një fushë të gjerë pamjeje dhe një shikim të qartë”, shpjegoi Benfenati.
Në krahasim me teknikën e mëparshme, retina artificiale e lëngshme ka provuar të jetë në gjendje të rivendosë aftësinë e neuroneve të retinës në një mënyrë më efikase, duke zënë vendin e fotoreceptuesve të dëmtuar.
Burimi: Shqiptarja.com /GazetaAtdheu.com/
