Kronen Zeitung: Shqipëria, një destinacion ndryshe!

Kronen Zeitung: Shqipëria, një destinacion ndryshe!

E përditshmja gjermane “Kronen Zeitung” i ka kushtuar një artikull të veçantë bukurisë shqiptare.

Mos e humbisni këtë alternative në Mesdhe, shkruhet në të.

Vendi ende i panjohur ballkanik është lehtësisht i arritshëm dhe dukshëm më pak i mbushur me njerëz. Me një sipërfaqe prej 28,748 km2, vendi i vogël ofron plazhe të bukura me rërë,  fshatra të qetë dhe një faunë dhe florë unike.

Peizazhe të gjera, të pacenuara, shtëpia e arinjve dhe ujqërve, të ngulitura në një sfond malor piktoresk: Alpet Shqiptare deri në 2700 metra të larta në verilindje. Në Rivierën Shqiptare, në jugperëndim të vendit, aty ku deti Jon takohet me Adriatikun, ka plazhe ëndrrash të ngjashme me Karaibet.

Ju mund të vizitoni Xhaminë e Et’hem Beut, Sheshin Skënderbej. Skënderbeu është heroi kombëtar i Shqipërisë dhe figura qendrore në historinë shqiptare në luftën kundër osmanëve dhe rrënojat e kalasë së vjetër.

E përditshmja gjermane është ndalur të përshkruaj pak nga historia e komunizmit në Shqipëri.

Dikur një ekspozitë për nder të diktatorit Enver Hoxha, sot një qendër kulturore: piramida në qendër të kryeqytetit, prej mermeri të bardhë, qelqi dhe çeliku të kuq. Pas më shumë se 30 vjetësh, Shqipëria ka lënë plotësisht pas të shkuarën e saj komuniste: diktatori Enver Hoxha e drejtoi vendin për katër dekada deri në vdekjen e tij në vitin 1985.

Regjimi shqiptar konsiderohej shumë kufizues: Shqipëria ishte e varur nga vetëmjaftueshmëria dhe plotësisht e izoluar nga bota e jashtme.

Ju mund të zhyteni më thellë në të kaluarën e vendit në Muzeun që ndodhet në Tiranë. Në ish-objektin e mbrojtjes mund të mësoni gjithçka për kampet e tmerrshme të punës, burgjet për të përndjekurit politikë, si dhe metodat e përgjimeve dhe praktikat e torturës.

Në perëndim të Tiranës shtrihet porti i bukur i Durrësit, një parajsë me plazhet më të bukur me rërë.

Më pas ka përshkruar qytetin e Beratit, Krujën dhe Kepin e Rodonit

Berati, “Qyteti i një mijë dritareve” është renditur në Listën e Trashëgimisë Botërore të UNESCO-s. Mos e humbisni në një udhëtim në Shqipëri! Ka shumë për të parë nga ana kulturore: Ju mund të vizitoni kështjellën mesjetare, xhamitë e shumta, kishat dhe shtëpitë tipike të bardha me çatitë e tyre të kuqe.

Me rëndësi historike është edhe qyteti i vogël i Krujës, ku Skënderbeu kishte kalanë e tij. Qyteti mesjetar me pazarin e tij ofron pamje piktoreske të vendosur në faqen e një shkëmbi mbi fushë. Do të keni mundësinë të gjeni artikuj antik dhe vepra artizanale.

Një pamje e mrekullueshme zbulohet në Kepin e Rodonit, 10 kilometra i gjatë që shtrihet në detin Adriatik, ku gjelbërimi takohet me blunë e detit. Natyra e Shqipërisë shfaqet në anën e saj më të egër. Edhe këtu ndodhet rrënoja e vjetër e një fortese që i përket heroit kombëtar. Motra e Skënderbeut ndërtoi kishën e vogël romaneko-gotike të Shën Antonit, e cila tregon një nga simbolet e para të stemës kombëtare: shqiponjën dykrenare.

Shqipëria është një destinacion ndryshe – por asnjëherë e mërzitshme!

Më Të Klikuarat

Lajmet e fundit