Policia në Spanjë ka arrestuar 6 persona me origjinë shqiptare, pasi kultivonin lëndë narkotike.
Policia nisi hetimet pasi në një portal për qytetarët u bënë disa denoncime anonime për aroma dhe zhurma të dyshimta në një pronë industriale në Malloles.
Mediat e huaja shkruajnë se pas operacioni policor u sekuestruan 2,421 bimë narkotike të llojit marihuanë në një gjendje të përparuar të rritjes, me peshë 301 kg.
Gjithashtu u sekuestruan më shumë se nëntë kilogram sytha të përgatitur për shpërndarje.
Shqiptarët ndodhen në paraburgim dhe akuzohen për veprat penale “krim kundër shëndetit publik” dhe “vjedhje të energjisë elektrike”.
