Një 30 vjeçar është arrestuar në flagrancë në Tropojë pasi u kap në flagrancë duke kultivuar bimë narkotike. Shtetasi Gëzim Zogëzaj bënte kultivimin e bimëve narkotike në bjeshkët sipër fshatit Vilisht ku jetonte.
Ndërkohë është proceduar penalisht edhe inspektoi i pyjeve, shtetasi I.SH me akuzën për “moskallëzim krimi”.
Njoftimi i Plotë
Finalizohet një tjetër operacion policor antikanabis.
Operacioni i koduar “Vilishti”, i zhvilluar nga Komisariati i Policisë Tropojë.
Ndalohet 31-vjeçari Gëzim Prengzaj, për veprën penale “Kultivimi i bimëve narkotike”.
Procedohet penalisht inspektori për Pyjet dhe Mjedisin, për shpërdorim detyre dhe moskallëzimi krimi.
Shërbimet e Komisariatit të Policisë Tropojë, në vijim të punës së pandërprerë për parandalimin, evidentimin dhe goditjen e tentativës për kultivimin të kanabisit, pas një hetimi dymujor, finalizuan me sukses operacionin e koduar “Vilishti”, në kuadër të të cilit u bë kapja dhe ndalimi i shtetasit Gëzim Prengzaj, 30 vjeç, banues në fshatin Lekurtaj.
Ky shtetas dyshohet se ka kultivuar bimë narkotike, sipër bjeshkës së fshatit Vilisht.
Në vijim të veprimeve hetimore u procedua në gjendje të lirë për veprat penale “Moskallëzimi i krimit” dhe “Shpërdorimi i detyrës”, shtetasi I. Sh., me detyrë inspektor për Pyjet dhe Mjedisin në bashkinë Tropojë.
Materialet i kaluan Prokurorisë së Rrethit Gjyqësor Tropojë, për veprime të mëtejshme.
