Farat e pjeprit janë përdorur që në lashtësi për trajtimin e sëmundjeve.
Një nga këto është edhe kura për veshkat.
Farat e pjeprit kanë vitaminë E, që mbron veshkat nga radikalet e lira.
Më poshtë, mund të zbuloni një kurë të thjeshtë, që ju bën mirë për shëndetin e veshkave.
Kura me Fara Pjepri, Përgatitja dhe Përdorimi
Për këtë kurë do ju duhen 1 kg fara, si edhe 5 litra ujë.
Të gjitha farat hidhen në një tenxhere, shtohet uji dhe lihen të ziejnë derisa lëngu të arrijë në 3 litra, ose pak më shumë se gjysma e sasisë së hedhur.
Hiqni lëngun nga zjarri, dhe e lini të mbuluar.
Më pas kullohet në shishe qelqi.
Këtë lëng e pini nga një filxhan tre herë në ditë, për 1-3 muaj rresht.
Vlerat e Tjera Shëndetësore Të Farave Të Pjeprit
Farat e pjeprit janë të pasur me acide yndyrore, fibër, minerale, vitaminë E dhe proteina.
Këto fara konsiderohen të pasura me antioksidantë që pastrojnë organizmin nga radikalet e lira.
Përqindja e lartë e proteinës, bën që farat të rekomandohen për flokë dhe thonj të shëndetshëm.
Burim Vitaminash Dhe Mineralesh
Farat janë të mbushura me vitaminë A dhe E.
Ato treten në yndyrë dhe shërbejnë si antioksidantë. Mbrojnë sytë dhe parandalojnë kancerin.
Farat e pjeprit janë gjithashtu një burim i mirë i kaliumit, magnezit dhe fosforit.
Shëndeti I Sistemit Tretës
Farat e pjeprit ndihmojnë në largimin e parazitëve nga zorrët.
Me përmbajtjen e lartë të fibrës, këto fara besohet të përmirësojnë tretjen e ushqimeve.
Farat E Pjeprit Për Zemrën
Farat e pjeprit përmbajnë sasi të konsiderueshme të acideve yndyrore omega-3 të cilat janë të dobishme për shëndetin e zemrës.
Studimet kanë konfirmuar se antioksidantët dhe acidet yndyrore tek farat e pjeprit e mbrojnë zemrën nga stresi oksidues dhe çrregullime të tjera.
Mineralet ndihmojnë në uljen e tensionit të gjakut.
Mbipesha
Farat e thata të pjeprit mund të shërbejnë si një ushqim i shëndetshëm për ata që duan të bien në peshë.
Këto fara ndihmojnë në eliminimin e lëngjeve të akumuluara në trup dhe rregullimin e tensionit të gjakut.
Farat E Pjeprit Kundër Stresit
Nëse farat i grini në një mikser dhe formoni me to një pastë të mirëfilltë të cilën më pas e aplikoni në pjesën e ballit, do të vëreni se do të jeni më pak të stresuar dhe do të keni më pak dhembje koke.
/Gazetaatdheu.com/
