“Po kur i shpifin institucionet, se janë përdhunuar ka 20 përnjëherë, si me ia ba? Përdhunimi temë me largu vëmendjen. Më merr gazi se, të gjitha çiftet ndahen, gratë thonë: “Kurrë nuk më ke knaq!”. Në Shqipërinë tonë të mjerë, del se burrat e kanë fuqinë vetëm në përdhunim. Mjerisht, nuk është as kështu”.
Kjo është deklarata shokuese e psikologes, Antonjeta Pero, teksa ka komentuar me ndjekësit e saj që e kanë kundërshtuar në lidhje me postimet e saj kundër rrëfimit rrëqethës të vajzës 27-vjeçare, Adriana në emisionin “Dua të të bëj të lumtur”.
Përmes postimeve të shumta në profilin e saj në “Facebook”, Pero akuzon Adrianën se po gënjen publikisht në lidhje me këtë ngjarje. Por pavarësisht kësaj, ajo shprehet se 27-vjeçarja duhet ndihmuar.
Pero shton se rasti i kësaj vajze po propagandohet shumë. Madje ajo bën thirrje që shteti të reagojë që të mos merren nëpërkëmbë punonjësit e Shtëpisë së Fëmijës.
“Kam dy dite që përpiqem, që të bahet kujdes në propagandimin e rastit të vajzës në emisionin e kësaj nate. Shteti duhet të reagojë i pari. më vjen mirë që u vu drejtësia në vend. Boll janë marrë nëpërkambë punonjësit e shtëpisë së fëmijës. Këtë radhë porositësi paska qëllu ma i dobët”, shkruan Pero.
Lidhur me postimet e Antonjetës kanë reaguar shumë ndjekësit e saj në “Facebook”, të cilët i replikojnë duke i thënë “se duhet ta lërë këtë profesion e të marrë ndonjë lopatë që të punojë tokën”.
“Ta mendosh që ti, pikërisht me këtë mendje e shpirt të vogël që paske, merresh me punë sociale. S’janë përdhunuesit që i marrin në qafë fëmijët, se përdhunues ka gjithkund, po janë barbonat si puna jote që janë në ngarkim. Psikologe OJF-iste ti. Ik merr ndonjë lopatë dhe puno tokën, se s’je për këtë sport”, i shkruan një komentues.
Ndërkohë nga ana tjetër, psoikologia në postimet e saj kërkon gjithashtu që vajza të ndihmohet që të ketë një jetë normale. Ajo shprehet se Adriana me këtë denoncim po përpiqet të fitojë asgjë më shumë se një jetë normale.
Ajo shprehet gjithashtu se Shtëpia e Fëmijës ku ka qëndruar Adriana nuk ka patur kurrë mësues të fesë. Me pak fjalë, reagimi i psikologes Antonjeta, është në mbrojtje të pëdhunuesit dhe jo të viktimës.
Kujtojmë se mbrëmjen e djeshme në programin “Dua të të bëj të lumtur” u transmetua rrëfimi tronditës i një vajze 27-vjeçare. Adriana e cila është rritur në shtëpinë e jetimores në Shkodër, u shpreh se në moshën 12-vjeçare, roja i jetimores kishte abuzuar seksualisht me të për një kohë të gjatë.
Madje ajo shtoi se roja e kërcënonte me jetë nëse do t’i tregonte dikujt për veprimet e tij. Gjithashtu 27-vjeçarja zbuloi se të gjitha vajzat e kësaj jetimore abuzoheshin seksualisht.
Sipas rrëfimit të Adrianës, në jetimore nuk ishte vetëm roja që ushtronte dhunë seksuale e fizike, por edhe mësuesit e kujdestarët.
