Me 74 vota pro dhe 35 kundër, Kuvendi i hapi rrugën investimit 2.1 miliardë eurosh për Portin Turistik të Durrësit. Kundër këtij projekti ishte vetëm Partia Demokratike. Kryeministri Edi Rama nuk mori pjesë në votim.
Socialistët duartrokitën në atë që e quajnë një “marrëveshje historike për vendin”. Seanca e djeshme është shoqëruar me debate të forta mes opozitës dhe mazhorancës, duke e cilësuar Portin e Durrësit si një megaaferë.
Rama tha se për projektin e ri i janë dashur takime pa fund dhe negociata të stërgjatura me kompaninë që do të investojë.
