Wyoming është bërë shteti i parë amerikan që ka ndaluar pilulat e abortit, pasi guvernatori i tij nënshkroi një projektligj që e bën të paligjshme shitjen e tyre. Shkelja e tij dënohet me 6 muaj burg dhe gjobë prej 9000 dollarësh.
Ndërsa Mark Gordon nënshkroi projektligjin të premten, një gjykatës i Teksasit po shqyrtonte një padi që mund të ndalonte efektivisht një pilulë të zakonshme aborti në mbarë vendin, pasi ato janë metoda më e zakonshme e ndërprerjes së shtatzënisë në SHBA.
Projektligji i Wyoming, i cili u miratua nga legjislatura e kontrolluar nga republikanët e shtetit në fillim të këtij muaji, e bën të paligjshme “përshkrimin, shpërndarjen, shitjen ose përdorimin e ndonjë ilaçi me qëllim të prokurimit ose kryerjes së një aborti”.
Ligji është planifikuar të hyjë në fuqi më 1 korrik. Drejtori i avokimit të Unionit Amerikan të Lirive Civile të Wyoming (ACLU) Antonio Serrano kritikoi projektligjin, duke thënë se “shëndeti i një personi, jo politika, duhet të drejtojë vendime të rëndësishme mjekësore – duke përfshirë vendimin për të kryer një abort”.
