Një moment i veçantë jashtë fushës ka bërë xhiron e rrjeteve sociale, me Kylian Mbappé që tregoi edhe një herë anën e tij njerëzore.
Sulmuesi francez ishte duke u larguar, kur vuri re një fans me aftësi të kufizuara që po priste ta takonte. Në vend që të vazhdonte rrugën, Mbappé u kthye dhe iu afrua tifozit për ta përshëndetur.
Futbollisti qëndroi pranë tij, i dha autograf dhe pranoi të bënte edhe një fotografi së bashku. Një gjest që mund të duket i vogël, por për fansin kishte një rëndësi të jashtëzakonshme.
Përtej golave, trofeve dhe spektaklit në fushë, janë pikërisht këto momente të thjeshta që tregojnë se sa shumë mund të nënkuptojë një takim me idhullin për një tifoz.
Mbappé mund të ketë miliona admirues në mbarë botën, por për këtë fans, disa sekonda pranë yllit francez, një autograf dhe një foto do të mbeten një kujtim i paharrueshëm.
