Qytetarët e lagjes Qerret në Durrës kanë ngritur shqetësime lidhur me gjëndjen e rrugëve në zonë, veçanërisht pas reshjeve të shiut. Sipas raportimeve, rrugët mbushen me ujë në mënyrë të konsiderueshme, duke e bërë të vështirë qarkullimin, si për këmbësorët ashtu edhe për automjetet.
“Përshëndetje, jemi në vitin 2025 dhe në lagjen Qerret-Durrës, kur bie shi duhet të kalojmë me skaf,” shkruan një qytetar, duke treguar gjendjen e rënduar të infrastrukturës rrugore.
Banorët i bëjnë thirrje Bashkisë Durrës që të marrë masa për sistemimin e rrugëve dhe përmirësimin e kanalizimeve, në mënyrë që situata të mos përkeqësohet më tej në rast reshjesh të tjera.
