Lajme të mira për të gjithë ata që nisin pushimet këtë javë, për sa i përket motit.
Meteorologu Akil Osmani nga Meteoalb, ka qene në një lidhje direkte me studion e emisionit “Ditë e Re” në RTV Ora ku ka treguar si do jenë vlerat termike për ditën e sotme dhe gjatë javës.
“Vlerat termike ditën e sotme do jenë shumë të larta pasi pritet që ato të shkojnë deri në 36-37 gradë celcius përgjatë ultësirës perëndimore, ndërsa vlerat minimale në zonat malore pritet të shkojë deri në 14-15 gradë celcius.
Pjesa më e madhe e territorit do jetë me mot të kthjellët përjashtuar skajin verior ku pritet të ketë prezencë të pakët të reshjeve të shiut.
Deri ditën e premte pritet që zonat bregdetare dhe pjesa më e madhe e vendit të jenë në dominimin e kthjellimeve.
Në fundjavë do kemi ulje të vlerave termike deri në 34 gradë celcius.
