Shënohet një tjetër viktimë nga koronavirusi në Shqipëri. Një 82-vjeçare ka ndërruar jetë te Spitali Infektiv, pasi ndodhej e shtruar aty.
E moshuara ishte në intubim. Ajo vuante edhe nga sëmundje të tjera. 82-vjeçarja ndodhej te Hematologjia në QSUT, aty ku mendohet se u infektua me koronavirus.
Pasi rezultoi pozitive, e moshuara u shtrua te Spitali infektiv. Mendohet se mjekët ose infermierët te Hematologjia e kanë infektuar 82-vjeçaren.
Ka shkuar në 38 numri i viktimave nga koronavirusi në Shqipëri.