Lazio duket se i ka shuar përfundimisht shpresat për titullin pasi merr humbjen e tretë brenda 7 ditësh.
Pas Milanit dhe Leçes, Lazio rikthehet në shtëpi për të humbur sërish, kësaj radhe me Sassuolon.
Sassuolo e ka përmbysyr Lazion që nuk përfitoi rastin nga avantazhi i minutave të para.
Luis Aberto ka shënuar i pari në këtë ndeshje në minutën e 33-të duke i çuar të kaltrit në avantazh.
Në pjesën e dytë Sassuolo barazon me Raspadorin. Ndeshja u duk sikur do të mbyllej me një barazim, por Caputo bëri një suprizë të pakëndshme për Lazion duke shënuar golin e 2-të për Sassuolon.
Lazio tani ndodhet 7 pikë larg Juventusit që ka një ndeshje më pak.
Atalanta tani është vetëm 2 pikë lart nga Lazio, ndërsa Interi është vetëm 3. Kujtojmë se këto dy ekipe tashmë kanë një ndeshje më pak, dhe Lazio matematikisht mund të përfundojë edhe në vendin e katërt, pavarësisht se sërish e fiton të drejtën për të luajtur në Champions League.
/Gazetatadheu.com/
