Për futbollistin shqiptar duket se nuk ka rëndësi origjina por aty ku je formuar si person.
Sulmuesi i kombëtares shqiptare, Florian Kamberi ka realizuar endrrën e tij.
Ai ka ndryshuar sërish destinacion këtë merkato vere.
Futbollisti ka lënë Skocinë dhe ka firmosur për 3 vite me klubin zviceran të Sent Galenit.
Vetë klubi helvet konfirmoi lajmin në faqen zyrtare.
Kalimi i Kamberit te Sent Galeni ishte paralajmëruar prej kohësh në mediat skoceze.
Lojtari kishte refuzuar kontratën 2-vjeçare me Glasgou Rangersin, ndërsa klubi i tij Hibernian nuk pranoi ta rikthente për sezonin e ri.
Për Kamberin kishte oferta nga Gjermania dhe Anglia, por sulmuesi vendosi të kthehej në Zvicër, aty ku edhe është formuar si futbollist.
Kujtojmë që Kamberi është prurja e re e trajnerit Edi Reja në kombëtaren shqiptare, por ai ende nuk e ka bërë debutimin e tij me kuqezinjtë.
/Gazetaatdheu.com/
