Ndërsa shumë vende europiane po shtojnë masat parandaluese ndaj COVID-19, 15 rajone në Itali kanë lehtësuar masat, duke kaluar nga zona e kuqe, në atë të verdhë.
Tashmë në Itali kanë mbetur vetëm 5 zona të kuqe, ndërsa 15 rajonet e tjera të vendosura si të verdha, që do të thotë se janë në nivelin më të lehtë në shkallë kufizimesh, pas urdhrit të fundit nga Ministria e Shëndetësisë botuar të premten.
Sipas kategorizimit si “zonat e verdha” qytetarët lejohen të shkojnë në restorante e bare deri në orën 6 pasdite. Muzetë mund të hapen gjatë ditëve të javës dhe nxënësit e shkollave të mesme mund të kthehen në shkollë me alternime.
Që prej fillimit të pandemisë, Italia ka shënuar2,560,957 raste të reja si dhe 88,845 raste të vdekjeve.
