Leo Messi mund të largohet nga Barcelona në përfundim të sezonit.
Ky është lajmi i bujshëm që ka publikuar media spanjolle “Cadena Ser”.
Sipas medias, ylli argjentinas ka vendosur të bllokojë dialogun me katalanasit sa i përket rinovimit të kontratës që skadon vitin e ardhshëm.
Kapiteni 33-vjeçar është tejet irrituar me situatën dhe tensionet në klubin blaugrana pas rezultateve tw fundit.
Zërat e fundit që e përfshijnë Messin në manovrat për t’i dalë kundër trajnerit Kike Setien e kanë shqetësuar edhe më shumë “pleshtin”.
Ai është shfaqur tepër nervoz në fragmente të ndryshme të ndeshjeve të fundit.
Zgjedhja për të pezulluar rinovimin është një sinjal i qartë për presidentin Bartomeu.
Dialogu përpara tensioneve te Barça fliste për një zgjatje të kontratës së Leo Messit deri në vitin 2023, periudhë në të cilën 6 herë fituesi i Topit të Artë është shprehur se do të jetë koha e duhur për t’i dhënë fund karrierës duke u kthyer tek skuadra e tij parë në Argjentinë, Newell’s Old Boys.
Situata pritet të zbardhet edhe më shumë me përfundimin e kampionatit.
Por, shumë klube kanë nisur të ëndërrojnë nisjen e tratativave.
/Gazetaatdheu.com/