Enis Xhamaili, është 14-vjeçari, i cili për fat të keq ka vetëm njërin krah ka treguar historinë frimëzese të tij.
Në një intervistë që ka dhënë për “Shqipëria Live”, Xhamaili ka thënë se që prej 7 vitesh stërvitet rregullusht dhe nukka ndërmend që të ndalojë, deri të arrijë ëndrrën e tij që është të bëhet futbollist. Xhemaili ka treguar se luan në pozicionin e mesfushorit dhe thotë ndër të tjera se shokët e kanë mbështetur shumë. Ai ka treguar se idhull ka Leo Messin, ndërkohë përsa i përket futbollistëve shqiptar ai ka veçuar Lirim Kastratin.
“Mbështetja e të afërmve dhe shokëve plotëson krahun tim të djathtë. Nuk shoh dallim që nuk kam një krah sepse nuk vërej asgjë më pak se moshatarët. Dua të jem futbollist i madh. Është futbollisti i preferuar shqiptar sepse e ka nisur aty ku e kam nisur unë. Dua ti them që me punë çdo gjë arrihet, nuk ka lidhje as talenti. Unë stërvitem 3 orë në ditë. Duhet të përpiqen shumë”.- ka thënë ai.
