Lionel Messi doli në skenë, mori çmimin e tij dhe buzëqeshi teksa fliste për ‘vitin e jashtëzakonshëm’ që ka kaluar.
Ishte hera e dytë që argjentinasi fiton çmimin më të mirë të FIFA-s, duke e barazuar atë me Cristiano Ronaldon në atë nën-kategori të rivalitetit të tyre.
Sapo Messi ngriti Kupën e Botës në Katar pak para Krishtlindjeve, debati përfundoi në sytë e shumë tifozëve të futbollit. Ishte argëtuese për sa zgjati, por Messi është zyrtarisht më i miri i të gjitha kohërave, raporton Daily Mail.
Ndërsa Ronaldo doli nga Kupa e tij e fundit e Botës me lotë, pasi u la në stol për zëvendësim, ndërsa Messi luajti gjatë gjithë turneut sipas dëshirës së tij.
Ai shënoi në secilën prej ndeshjeve eliminatore të Argjentinës, duke dëshmuar se edhe në moshën 35-vjeçare posedonte ende atë ndikim fitues që ka përcaktuar karrierën e tij.
Pas fitores së Argjentinës në Kupën e Botës, nuk bëhej fjalë më për krahasimin e Messit me Ronaldon, debati më i rëndësishëm ishte krahasimi i Messit me Pelen dhe Maradonën si më i miri i të gjitha kohërave.