Duke u përballur me një rebelim të ligjvënësve të Partisë Konservatore, kryeministrja Liz Truss e Britanisë anuloi planet për të hequr normën më të lartë të tatimit mbi të ardhurat prej 45 për qind për personat me të ardhura të larta.
Truss e kishte vënë uljen e taksave në qendër të fushatës së saj për të zëvendësuar Boris Johnson.
Ato përfshinin ulje të normës bazë për personat me të ardhura më të ulëta, një ulje të taksave për blerjet e shtëpive dhe një vendim për të mos rritur taksat e korporatave.
Propozimet ekonomike të Truss kanë tronditur tashmë tregjet financiare, duke e çuar paundin britanik në një kthesë dhe duke bërë që Banka e Anglisë të ndërhynte për të mbështetur disa obligacione qeveritare, shkrua New York Times.
Ligjvënësit e saj në Parlament kishin sinjalizuar ditët e fundit se do të votonin kundër uljes së taksave dhe anëtarët e lartë të partisë parashikuan se qeveria do të dështonte ta kalonte masën përmes Dhomës së Komunave.
“Unë e di që plani që ne parashtruam 10 ditë më parë shkaktoi pak turbulenca,” tha ministri i financave Kwasi Kwarteng.
Vlera e paundit ra kur z. Kwarteng njoftoi papritur më 23 shtator se qeveria do të heqë normën e tatimit mbi të ardhurat prej 45 për qind të aplikuar për ata që fitojnë më shumë se 150,000 paund, ose rreth 164,000 dollarë në vit.
