Pronari i Tesla dhe SpaceX Elon Musk kritikoi drejtpërdrejt pronarin e gjigantit Amazon Jeff Bezzos pas raportit se Amazon kishte refuzuar të vendoste në shitje librin e gazetarit të The New York Times, Alex Berenson, pasi sipas tyre libri i tij për Covid-19 nuk i plotësonte udhëzimet e Amazon për shitje.
Dje Elon Musk kishte shkruar në rrjetin social Twitter duke përmendur drejtpërdrejtë miliarderin Jeff Bezos në postimin e tij që kërkonte shpërbërjen e monopolit të kompanisë së tij.
Si Musk dhe Berenson ishin kritik ndaj rregullave të imponuara të izolimit gjatë pandemisë, Berenson është i mendimit se rreziku ishte më i vogël sesa ishte raportuar nga sëmundja Covid-19, ndërsa Musk ishte në konflikt të hapur me qarkun Alameda që refuzonte t’i lejonte hapjen e fabrikës që punësonte mbi 7 mijë punëtorë në shtetin e California.