Luka Modriç ka mbyllur pushimet pas përfundimit të Kampionatit Botëror dhe është rikthyer në dispozicion të Milanit për të nisur përgatitjet për sezonin e ri. Mesfushori kroat, i cili do të festojë 41-vjetorin në muajin shtator, i është bashkuar skuadrës kuqezi në grumbullimin që po zhvillohet në Perth të Australisë.
Bashkë me Modriçin ka mbërritur edhe mesfushori zviceran Ardon Jashari, duke forcuar grupin e trajnerit në fazën përgatitore. Ndërkohë, gjatë mbrëmjes pritet t’i bashkohen ekipit edhe belgët Alexis Saelemaekers dhe Koni De Winter.
Sa i përket francezëve Mike Maignan dhe Adrien Rabiot, ata do të rikthehen më vonë, duke iu bashkuar pjesës tjetër të skuadrës pas përfundimit të turneut në Australi, kur Milani të rikthehet në qendrën stërvitore të Milanellos.
