Romelu Lukaku po synon të ngrihet shumë lart…
Njëriu që përfaqëson të tashmen dhe të ardhmen e sulmit zikaltër, i cilësuar nga të gjithë si një “bomber”, e tregoi edhe një herë veten përballë Genovas në “Marassi”.
Lukaku realizoi një “dopjetë” duke e dërguar në 23 numrin e golave në “Serie A”.
Shifrat e Lukakut në sezonin e tij të parë në Itali janë fantastike.
Me 15 nga golat e realizuar, ai i ka shënuar në transfertë.
Sulmuesi belg qëndron në vendin e tretë në listën e golashënuesve më të mirë, pas Immobile dhe Ronaldo.
Me dy ndeshje të tjera në dispozicion, Lukaku, tashmë shenjestron fenomenin Ronaldo, me brazilianin që arriti në kuotën e 25 golave në sezonin 1997-’98.
Për belgun ky është sezoni i tij më i mirë në karrierë.
Kjo, pasi në të gjithë turnetë me Interin ai ka realizuar 29 gola, dy më shumë se sa në sezonin 2017-’18, ku mbante të veshur fanellën e Man. United.
Shifrat e tij vetëm mund të përmirësohen deri në fund, pasi ka në dispozicion jo vetëm dy ndeshje në “Serie A” dhe “Europa League”, ku Inter kërkon ti shkojë deri në fund.
/Gazetaatdheu.com/
