Në një kohë pandemie, ku koronavirusi ka kapluar gjithë botën, në Shqipëri ka edhe fenomene më të frikshme.
I tillë është edhe mbytja e njerëzve në lumenj.
Vetëm ditën e sotme, 4 persona humbën jetën, pasi u mbytën në lumenj.
Për ironi të fatit, kur të gjithë e kanë vëmendjen të shtuar për t’u ruajtur nga koronavirusi, lumenjtë janë ata që bëjnë kërdinë.
Sot u shënuan 3 viktima nga koronavirusi, dhe plot 4 humbje jete nëpër lumenjtë e Shqipërisë.
Në mëngjes, një 39-vjeçar u mbyt në Bunë, teksa vetë ishte futur për të shpëtuar një adoleshent të ri.
Ky i fundit ishte futur të freskohej, ndërkohë e ëma kishte filluar të bërtiste kur pa të birin që po mbytej.
39-vjeçari, që po kalonte rastësisht aty, u fut për ta ndihmuar, por për fat të keq humbi edhe vetë jetën.
Tragjedi në Vjosë
Një person u mbyt edhe në Vjosë.
30-vjeçari Armando Begaj, kishte shkuar me dy miqtë e tij të lahej në lumë.
Në një moment, ai kishte kërkuar ndihmën e tyre, por ata mendonin se po tallej.
Babain e një vajze e mori rrjedha e lumit, dhe më pas ishte e pamundur që ta shpëtonin.
“Zi” në Drinin e Zi
Një 17-vjeçar pati një fat të keq ditën e sotme, duke e çuar në 4 numrin e viktimave në lumenj vetëm sot.
17 vjeçari me inicialet E. Z, po lundronte me kajak me miqtë e tij, por më pas ka rënë nga kajaku në një vend të quajtur Ura e Telit.
Më pas, rrjedha e lumit e ka çuar rreth 5 km më poshtë, në fshatin Selane.
/Gazetaatdheu.com/